Stjórnendafélag Austurlands

Á framhaldsaðalfundi sem haldinn var 5.nóvember 2011 var einróma samþykkt að breyta nafni félagsins úr Verkstjórafélag Austurlands í Stjórnendafélag Austurlands.

Er það von manna að með þessari nafnabreytingu nái félagið til breiðari hóps fólks, þar sem starfsheitið Verkstjóri virðist mjög á undanhaldi í nútíma samfélagi. 

Framhaldsaðalfundur Verkstjórafélag Austurlands

1 Forsagan

1.1 Síðast liðin ár hefur umræðan snúist um að það hjá nokkrum verkstjórafélögum að verkstjóraheitið sé farið að virka hamlandi gagnvart því að fólk sem er í starfi stjórnenda telji sig ekki eiga heima í stéttarfélagi verkstjóra. Önnur stéttarfélög hafa verið að sækjast eftir að ná stjórnendum til sín og eru farin að semja um kjör stjórnenda við vinnuveitendur. Fyrir nokkrum árum fóru mörg verkstjórafélaga að aðalaga sig þessari þróun og bættu í lög sín ákvæðum um stjórnendur ásamt því að bæta við heiti félagana "félag stórnenda". Verkstjórafélag Suðurlands reið á vaðið  breytti nafni félagsins í "Vörður félag stjórnenda á Suðurlandi. Það kom strax í ljós hjá þeim að ýmsir stjórnendur sem ekki voru titlaðir verkstjórar sóttust eftir að ganga í félagið. Árið 2010 breytti Verkstjórafélagið Þór -félag iðnlærðra verkstjóra í Reykjavík í Þór félag stjórnenda.  Síðast liðið vor breytti Verkstjórafélag Reykjavíkur nafni sínu í Brú félag stjórnenda í Reykjavík. Þá hefur Verkstjórafélag Akranes breytt sínu nafni í Jaðar félag stjórnenda á Akranesi. Í aðalfundarboði Verkstjórafélags Austurlands var á dagskrá liður sem var umræða um breytingu á nafni félagsins. Þar var samþykkt að breyta nafni félagsins og endurskoða lög félagsins í samræmi við það.

2 Samþykkt aðalfundar vor 2011

2.1 Benedikt kynnti málið, fór yfir helstu hliðar málsins. Líflegar og fjörugar umræður og margvíslegar skoðanir viðraðar. Borin upp tillaga um að nafni félagsins verði breytt og stjórn félagsins verði falið að setja upp valkosti um nafn og gera tillögur að nýjum lögum félagsins á auka aðalfundi í haust.  Samþykkt með þorra atkvæða.

3 Tillagan

3.1 Samþykkt var á stjórnarfundi í haust að leggja tillögu fyrir auka aðalfund  að félagið heiti Stjórnendafélag Austurlands skammstafað (STA)

Fundarboð á framhaldsaðalfund Verkstjórafélags Austurlands.

Verkstjórafélag Austurlands boðar til framhaldsaðalfundar

Laugardaginn 5. nóvember 2011   Kl:  11:00 í Gistihúsinu á Egilsstöðum.

Dagskrá:

1.     Nafnabreyting

2.     Breytingar á lögum félagsins.

3.     Önnur mál.

Stjórnin.

Varðandi breytingar á lögum félagsins eru þær tilkomnar vegna breytinga á nafni félagsins og uppfærslu til nútímaorðalags.

Boðið verður upp á súpu  og þess vegna þurfum við að fá skráningu á fundinn fyrir hádegi á föstudag 4.nóvember í síma 864-4921 eða Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. svo örugglega verði nóg í pottinum.

Á fundinum verður dregið úr nöfnum fundarmanna og einn heppinn fundarmaður fær gjafakort að upphæð 15.000 kr.

Fréttir nr -1  Apríl  2011.

Útgefandi : Verkstjórafélag Austurlands       Ábm. Sigurbjörg Hjaltadóttir.    

Aðalfundur  félagsins verður haldinn laugardaginn 30.apríl nk á Hallormsstað og hefst kl 16:30. Um kvöldið býður félagið fundarmönnum og mökum þeirra til  kvöldverðar.  Þeir sem áhuga hafa á gistingu bóka hana sjálfir.   

Heimasíða.  Búið er  að setja upp nýja heimasíðu fyrir félagið og einnig Verkstjórasambandið.  www.vssi.is  Á heimasíðu vssi.is eru  ýmsar  upplýsingar og þar eru einnig mjög aðgengilegar leiðir á hinn ýmsa fróðleik.   Endilega kíkið þarna inn ykkur til fróðleiks.  Heimasíðan okkar er hins vegar að þróast ennþá og þar verða upplýsingar sem tengjast okkar félagsstarfi og allar ábendingar frá ykkur eru vel þegnar.

Lesa nánar: Fréttabréf apríl 2011

 Aðalfundur félagsins var haldinn á Hallormsstað 15.maí.   Á fundinn mættu 15 félagar ásamt mökum sem fóru í gönguferð um skóginn á meðan fundur stóð.  Í lok fundar snæddu fundarmenn og makar ljúffengan hádegisverð á Hótel Hallormsstað.  Breytingar urðu á stjórn en Grétar Arnþórsson Fáskrúðsfirði fór úr stjórn og í hans stað kom Magnús Guðnason frá Eskifirði.